Нийгмийн хамгааллын тусгай төв нь Шүүхийн шийдвэр гүйцэтгэх ерөнхий газрын харьяа 413 дугаар хорих ангитай хамтран “Таныг тэвэрье” сэтгэл зүйн үйлчилгээг зохион байгууллаа.
Гэр оронгүй, тэнэмэл архины хамааралтай иргэд нэмэгдэхээс урьдчилан сэргийлэх, хорих ангийн албан хаагчдын сэтгэл зүйн боловсролыг дэмжих зорилгоор 11 дүгээр сарын 07 – 14-ны хооронд “Таныг тэвэрье” сэтгэл зүйн үйлчилгээг төвийн сэтгэл зүйчид зохион байгууллаа. Сэтгэл зүйн үйлчилгээнд:
- Хорих ангийн 60 албан хаагчдад “Сэтгэл зүйн тэнцвэрт байдал” сургалт
- Хорих ангиас суллагдах хугацаа дөхсөн 50 хүмүүжигч нарт “Сэтгэл зүйн дархлаа” сургалт
- 9 хүмүүжигч нарт цахим ганцаарчилсан сэтгэл зүйн зөвлөгөө багтсан.
Хорих ангийн ажилтан албан хаагчдад болон хүмүүжигч нарт сэтгэл зүйн үйлчилгээний хэрэгцээ өндөр байгаа нь сэтгэл зүйн үйлчилгээний явцад ажиглагдаж байсан. Бид цаашид хамтарч ажиллахаар тохиролцлоо.
